Buphani mungbai Civil services scholarship rwlaikha Pradyut kishore debbarman:

ADC amchaini jati tei tribal section ni sikla sikli rok no IAS tei TCS exam ni bagwi training rwnani lama nakha ADC ni government. Oh Trainingni Bagwi Chongjak Rokno Civil Services Scholarship Yapharkha Tipra-Mathani Supreme Pradyot Kishore Debbarman. 45 chongjak sikla siklirokno scholarship yapharjakha. O salo Hasteo ni Manikya Enclave o kaisa function khwlaijak kha.

Pandao Matha Supremo Pradyot Kishore Debbarma, Haste montri okra Brisketu Debbarma tei kwbangma borokno manjak kha. O Pandano twi Matha Supremo Pradyot Kishore Debbarman sakha, bini kwthwi buphani mungwi scholarship wngwi chongjakrokni trainingni bagwi kwbangma rang riwi tongo hwnwi. Bo teibo sakha, retire wngjak IS officer CK Jamatia interview ni bisingtwi 45 jona sikla siklirokno chongwi tubukha. Bo chongjak candidate rokno kaham wngna bagwi wish khwlaikha.